Hannes & Olga Botes
Stadigies is ‘n groot bederf om by tuis te gaan. Totaal in ‘n ander dimensie! In die luuksheid van die plek is daar genoeg ruimte vir hope pret, rustige vuurtjies en lang luilekker kuiers op die stoep. Asemrowende natuur en uitkyk oor die bosveld en rivier. Ver ente se stap om die reuk van die bosveld in te drink, bokkies, kameelperde, zebras, olifante en sommer nog baie meer te bespeur. Al die voëlgesang van vroeg soggens tot laat saans, betower jou gemoed.
Die vlakvarkies se inloer elke dag, opsoek na ‘n lekker bederfie. Stadigies laat mens die klamte beleef wat elkeen wat ‘n wegbreek nodig het verdien. In die gejaagdheid van ons allerdaagse bestaan is Stadigies net die plek vir jou! Geen beter plek om tuis te gaan naby die Kruger Wildtuin nie. Die prag van die omgewing met sy swembad, pragtige tuin en braai geriewe wil maak dat jy net daar wil bly. So kom maak ‘n draai en braai tot die Loeries lawaai en jy besef hier wil ek dikwels my batterye kom laai.
